काठमाडौं । साताभरको व्यस्तताबाट अलिकति फूर्सद निकालेर बिदाको दिन परिवारसहित रमाउनका लागि उपत्यकाभित्र विभिन्न पार्कहरू छन् । समयको सदुपयोग गर्दै परिवार र बालबच्चासँग पार्क तथा खुला ठाउँमा आनन्द लिन मिल्ने पार्कहरूको फोटो जानकारी आजको लेखमाः
शंखमुल पार्क
काठमाडौंको शंखमुलस्थित बाग्मती नदि किनारको यो पार्क ५२ रोपनी जग्गामा निर्माण गरिएको छ । यहाँ वृद्ववृद्वा, बालबालिका र वयस्क सबैले आनन्दको समय बिताउन सक्छन् ।
शंखधर उद्यान (रत्नपार्क)
रंगिविरंगी फूल, हरियाली, ठूला रुखहरू र बच्चाहरु खेल्न सक्ने गरि पार्क निर्माण गरिएको छ ।
बोटानिकल गार्डेन (गोदावरी)
जङ्गलको बीचमा शान्त हरियाली र शितल हावाको साथमा सुन्दर फूल तथा बोटविरूवा पानीको अवलोकन गर्न सकिन्छ ।
मञ्जुश्री पार्क
उपत्यकाबाट नजिक शान्त, शीतल प्राकृतिक पर्यावरणको सौन्दर्यले भरिपूर्ण धार्मिक र पर्यटकीय महत्व अनुपम संगम हो । पार्कमा स्थापना गरिएको मञ्जुश्रीको ३३ फिटको ढुङ्गाको मूर्तिले विशेष आकर्षण थपिएको छ ।
बुद्व शान्ति पार्क
उपत्यकाबाट केहि दुरीमा अवस्थित बुद्व शान्ति पार्कमा शान्त वातावरणमा आकर्षक दृश्यको अवलोकन गर्न सकिन्छ । बुद्व शान्ति पार्क कमलविनायक, तेलकोट हुँदै नगरकोट जाने बाटोमा पर्छ ।
शखं पार्क
हाइवेको छेवैमा भएपनि यो पार्कको वातावरण शान्त छ । विभिन्न बोटबिरुवा तथा सुन्दर गार्डेनसहितको यो पार्क २२ रोपनी क्षेत्रफलमा फैलिएको छ ।
राष्ट्रिय शहिद तथा निजामती स्मारक पार्क
यहाँबाट हरियाली जङ्गलको शितल हावा र उपत्यकाको सुन्दर दृश्यको अवलोकन गर्न सकिन्छ । ६५० रोपनी क्षेत्रफलमा फैलिएको यो पार्क गोकर्णेश्वर नगरपालीका ४ स्थित जगडोलमा छ ।
कालिका पार्क
बूढानीलकण्ठ नगरपालिका -२ मा रहेको यो पार्क सार्वजनिक जग्गाहरूको संरक्षण गरि निर्माण गरिएको हो । झन्डै ११ रोपनी क्षेत्रफलमा फैलिएको यस पार्कमा बालबालिकाको लागि खेल्ने मैदानका साथै बस्ने व्यवस्था पनि छ ।
बाइसधारा पार्क
बालाजुको बाइसधारा पार्क प्राकृतिक, धार्मिक, सांस्कृतिक र पुरातात्विक हिसाबले महत्वपूर्ण मानिन्छ । फराकिलो खुला ठाउँ, जङ्गल र २२ वटा धाराले यहाँको आकर्षण बढाएको छ ।
