अपार्टमेन्टको कारोबारमा ३७ प्रतिशतले गिरावट, यस्तो रह्यो आर्थिक वर्ष ०७९/८० को तथ्याङ्क
काठमाडौं । आर्थिक वर्ष २०७९/०८० मा बहुतले संयुक्त आवास अपार्टमेन्टको कारोबार लागि खासै सुखद रहेन । आर्थिक मन्दी र बैंकहरूले ऋण दिन समेत कडाइ गरेसँगै नयाँ अपार्टमेन्ट निर्माण नहुँदा कारोबार झनै सुस्ताएको हो ।
भूमि व्यवस्थापन तथा अभिलेख विभागको तथ्यांक अनुसार गत आर्थिक वर्षमा देशभर ३६१ युनिट अपार्टमेन्ट मात्र किनबेच भएका छन् । जुन अघिल्लो वर्षको तुलनामा दुई सय १७ युनिट कम हो । आ.व ०७८/७९ मा देशभर ५ सय ७८ युनिट अपार्टमेन्ट किनबेच भएका थिए ।
यो पनिः ग्रान्डी टावरका आकर्षक अपार्टमेन्टहरू बिक्रीमा
तरलता अभाव, चर्को ब्याजदर, महँगी लगायतका कारणले नयाँ अपार्टमेन्ट निर्माण नहुँदा स्टक घट्दै गएकाले मूल्य पनि अत्यधिक महँगो हुन थालेको छ । पछिल्लो समय काठमाडौं उपत्यका, पोखरा, भैरहवा, वीरगन्जदेखि झापासम्म नयाँ अपार्टमेन्ट परियोजना निर्माण भइरहेका छन् । तर, ती अपार्टमेन्ट परियोजना मध्यमवर्गलाई लक्षित छैनन् ।
यो पनिः फिटनेसमा ध्यान दिनुहुन्छ ? बिक्रीमा छन् तपाईंलाई सुहाउने अपार्टमेन्ट
अपार्टमेन्ट नीतिमा केही सुधार देखिए पनि मन्दीका कारण अपार्टमेन्ट बिक्री हुन समेत सकेका छैनन् । मन्दीकै कारण आवास (अपार्टमेन्ट, हाउजिङ) परियोजना निर्माण सम्पन्न गर्न ढिलाइ भइरहेको छ ।
आर्थिक वर्ष ०७८/७९ र ०७९/८० मा देशभरबाट बिक्री भएका अपार्टमेन्टहरूको विवरणः
| महिना | आ.व ०७८/७९ | आ.व ०७९/८० |
| साउन | ५२ | २५ |
| भदौ | ५६ | ३१ |
| असोज | ५३ | २२ |
| कार्तिक | ३५ | ३० |
| मंसिर | ४१ | २६ |
| पुस | ३० | २४ |
| माघ | ३२ | २२ |
| फागुन | ३८ | ५१ |
| चैत | ६७ | ३८ |
| वैशाख | ४१ | ३० |
| जेठ | ३५ | २९ |
| असार | ९८ | ३३ |
स्रोतः भूमि व्यवस्थापन तथा अभिलेख विभाग
बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।
Latest Posts
Fresh reads from Basobaas
