घरजग्गा कारोबार स्थिर हुँदा २१ करोडले बढ्यो राजश्व संकलन

काठमाडौं । फागुन महिनामा घरजग्गा कारोबार स्थिर देखिएको छ । फागुनमा देशभरका मालपोत कार्यालयबाट ५० हजार ९ सय ९८ को संख्यामा लिखत पारित भएको छ । जुन माघको तुलनामा ७७ ले बढि हो । 

माघमा देशभर ५० हजार ९ सय २१ संख्यामा घर जग्गा लिखत पारित भएको थियो । 

कहाँ कति भयो किनबेच ?

काठमाडौं जिल्लामा कलंकी, चाबहिल, डिल्लीबजार, मनमैजु, टोखा र साँखु गरी ६ वटा मालपोत कार्यालय छन् । जसमध्ये सबैभन्दा बढी कारोबार कलंकी मालपोत कार्यालयबाट भएको छ । 

कलंकीबाट ७ सय ७ संख्यामा घरजग्गा लिखत पारित भएको छ । त्यस्तै, चाबहिलबाट ४ सय ५१, साँखुबाट ४ सय २, मनमैजुबाट ३ सय १५, डिल्लिबजारबाट २ सय ११ र टोखाबाट १ सय ९१  संख्यामा घरजग्गा लिखत पारित भएको छ । 

त्यसैगरी, भक्तपुरबाट ९ सय ७१ को संख्यामा वटा घरजग्गा लिखत पारित भएको छ । 

त्यस्तै, ललितपुरमा २ वटा मालपोत कार्यलय छन्ः भूमिसुधार तथा मालपोत कार्यालय लगनखेल र मालपोत कार्यालय गोटीखेल । जसमध्ये लगनखेल मालपोत कार्यालयबाट ९ सय ३१ संख्यामा घरजग्गा लिखत पारित भएको छ भने गोटीखेलबाट २४ को संख्यामा घरजग्गा लिखत पारित भएको छ । 

उपत्यका बाहिर १ सय २५ वटा मालपोत कार्यालयहरू छन् । जसमध्ये सबैभन्दा बढी कारोबार भूमिसुधार तथा मालपोत कार्यालय इनरुवा, सुनसरीबाट भएको छ । सुनसरीबाट फागुनमा २ हजार ६ संख्यामा घरजग्गा लिखत पारित भएको छ । त्यस्तै, जनकपुरधाम धनुषाबाट १९ सय ९७, भद्रपुर झापाबाट १८ सय ५०, बेलवारी मोरङबाट १६ सय ४३ र राजविराज, सप्तरीबाट १३ सय ६५ संख्यामा घरजग्गा लिखत पारित भएको छ ।

राजश्व संकलनको अवस्थाः

फागुनमा घरजग्गा किनबेच स्थिर रहे पनि राजश्व भने थोरै वृद्धि भएको देखिन्छ । फागुनमा सरकारले घरजग्गा कारोबारबाट ३ अर्ब ५९ करोड २६ लाख ९१ हजार ८१ रुपैयाँ राजश्व संकलन गरेको छ । माघमा घरजग्गा कारोबारबाट ३ अर्ब ३७ करोड ५७ लाख ४६ हजार २ सय ३१ रुपैयाँ राजश्व संकलन भएको थियो ।

सरकारलाई घरजग्गा कारोबारबाट सेवा कर, रजिस्ट्रेसन दस्तुर, पुँजीगत लाभकर लगायत विभिन्न शीर्षकमा राजश्व प्राप्त हुन्छ । त्यसमध्ये सबभन्दा बढी रजिस्ट्रेसन (दर्ता) दस्तुर, सेवा कर र पुँजीगत लाभकरबाट प्राप्त हुन्छ । 

फागुनमा सरकारले सेवाकर बापत देशभरबाट कुल २५ करोड ६५ लाख ३८ हजार १ सय २४ रुपैयाँ राजश्व संकलन गरेको छ । त्यसैगरी, रजिष्ट्रेशन दस्तुरबापत जम्मा २ अर्ब ३८ करोड १२ लाख २२ हजार ९ सय ६३ रुपैयाँ संकलन गरेको छ । र पुँजीगत लाभकरबाट १ अर्ब २८ करोड ५० लाख ५८ हजार १ सय ७७  रुपैयाँ संकलन गरेको छ ।

देशभरका मालपोत कार्यालयबाट भएको कारोबार अवस्थाः

स्रोतः भूमि व्यवस्थापन तथा अभिलेख विभाग

काठमाडौंका मालपोत कार्यालयबाट भएको कारोबार अवस्थाः

स्रोतः भूमि व्यवस्थापन तथा अभिलेख विभाग

बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।