कित्ताकाट खुल्दा पनि बढेन कारोबार, राजश्व संकलनमा पनि गिरावट 

काठमाडौं । असोज महिनामा घरजग्गा कारोबार झन घटेको छ । सरकारले भूउपयोग नियमावली-२०७९ संशोधन गरी जग्गा कित्ताकाटमा समेत सहजीकरण गरे पनि कारोबारमा गिरावट आएको हो । 

असोजमा ३० हजार ५२७ मात्रै पारित भएको छ । अघिल्लो वर्षको असोजमा ३९ हजार ८८१ लिखत पारित भएको थियो । 

असोजमा कारोबार घटेसँगै राजस्व समेत गिरावट आएको छ । असोजमा ३ अर्ब ८ करोड १२ लाख मात्रै संकलन भएको छ । भदौमा संकलित राजस्व पौने ४ अर्ब थियो । भने अघिल्लो वर्षको असोजमा ४ अर्ब ८ करोड ६६ लाख रुपैयाँ राजस्व संकलन भएको थियो । 

बैंकले घरजग्गा कारोबार चलायमान बनाउन भन्दै नीतिगत सहजीकरण समेत गरे पनि कारोबार बढ्न सकेको छैन । असोजमा दशैं बिदाले कारोबार दिन कम हुँदा पनि कारोबार अघिल्ला महिनाहरूको तुलनामा कम हुने गर्छ ।

कहाँ, कति भयो किनबेच ?

उपत्यका भित्रको घरजग्गा कारोबारः
उपत्यकामा लगनखेल, भक्तपुर, गोटिखेल, कलंकी, चाबहिल, डिल्लीबजार, मनमैजु, टोखा र साँखु गरी ९ वटा मालपोत कार्यालय छन् । जसमध्ये सबैभन्दा बढी कारोबार भक्तपुर मालपोत कार्यालयबाट भएको छ । 

भक्तपुरबाट ८ सय २१ संख्यामा लिखत पारित भएको छ भने सबैभन्दा कम गोटिखेल मालपोत कार्यलयबाट ३ संख्यामा घरजग्गा लिखत पारित भएको छ ।

त्यसैगरी, लगनखेलबाट ७ सय १०, कलंकीबाट ४ सय ९७ को संख्यामा वटा घरजग्गा लिखत पारित भएको छ ।

उपत्यका बाहिरको घरजग्गा कारोबारः

उपत्यका बाहिर १ सय २५ वटा मालपोत कार्यालयहरू छन् । जसमध्ये सबैभन्दा धेरै कारोबार भूमिसुधार तथा मालपोत कार्यालय इनरुवा, सुनसरीबाट भएको छ । 

सुनसरीबाट ११ सय ८५ संख्यामा लिखत पारित भएको छ भने सबैभन्दा कम मालपोत कार्यालय, सिर्दीवासबाट २ संख्यामा लिखत पारित भएको छ ।  

राजस्व संकलनको अवस्थाः

राजस्व संकलनमा भने काठमाडौं उपत्यकाका मालपोत कार्यालय अग्रस्थानमा छन् । असोजमा डिल्लिबजार मालपोतबाट सबैभन्दा धेरै ३० करोड ६६ लाख रुपैयाँ राजश्व उठेको विभागको तथ्यांक छ ।

यस्तै, लगनखेल मालपोतबाट ३० करोड २५ लाख, भक्तपुर मालपोतबाट २५ करोड ३८ लाख, चाबहिल मालपोतबाट २३ करोड ६८ लाख र कलंकी मालपोतबाट २० करोड ४७ लाख रुपैयाँ राजस्व संकलन भएको छ ।

उपत्यकाबाहिरका मालपोत कार्यालयबाट भएको घरजग्गा कारोबार तथा राजस्व संकलनको अवस्थाः

उपत्यकाभित्रका मालपोत कार्यालयबाट भएको घरजग्गा कारोबार तथा राजस्व संकलनको अवस्थाः

बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।