नेपालबाट तीन महिनामा २६ अर्ब भन्दा बढिको वस्तु निर्यात

काठमाडौं । नेपालले चालु आर्थिक वर्षको पहिलो तीन महिनामा भारतलाई २६ अर्ब २४ करोड ९७ लाख रुपैयाँको वस्तु निर्यात गरेको छ । जसमा २१ अर्ब १८ करोड ८० लाख रुपैयाँको मुख्य ३६ वस्तु भारतमा निर्यात भएको छ ।

यस अवधिमा सबैभन्दा बढि ३ अर्ब ३६ करोड २५ लाख रुपैयाँको जस्तापाताको निर्यात भएको छ । 

नेपालले गत वर्षको सोही अवधिमा १ अर्ब ६४ करोड ३ लाख रुपैयाँको जस्तापाता भारततर्फ निर्यात गरेको थियो । जसमा गत वर्षको तुलनामा यो वर्ष जस्तापाताको निर्यात दोब्बरले बढेको छ ।

त्यस्तै, गत आर्थिक वर्षमा नेपालले ७ अर्ब ७० करोड ५७ लाख रुपैयाँ र आव २०७८/७९ मा २ अर्ब ८४ करोड १७ लाख रुपैयाँको निर्यात गरेको छ । उक्त तथ्याङ्कअनुसार चालु आवमा भारतमा जस्तापाताको निर्यात उच्च भएको देखिन्छ । त्यसबाहेक नेपालले ५ अर्ब ६ करोड १७ लाख रुपैयाँको अन्य वस्तु निर्यात गरेको छ ।

नेपालमा उत्पादित जस्तापाता छिमेकी मुलुक भारत, श्रीलङ्का, रोमनियालगायतका देशमा निर्यात हुन्छन् । 

नेपालबाट तीन महिनाको अवधिमा भारत निर्यात भएका सामग्रीहरूः 

स्रोतः नेपाल राष्ट्र बैंकको तथ्यांक

आर्थिक वर्ष २०८०/८१ को तीन महिनामा कुल वस्तु निर्यात २.३ प्रतिशतले कमी आई रू ४० अर्ब ८७ करोड कायम भएको छ । अघिल्लो वर्षको सोही अवधिमा कुल वस्तु निर्यात ३५.५ प्रतिशतले कमी आएको थियो । भारत तर्फ भएको निर्यातमा ९.४ प्रतिशतले कमि आएको छ । भने चीन र  अन्य मूलुकतर्फको निर्यात क्रमशः ३४५.९ प्रतिशत र ९.५ प्रतिशतले वृद्धि भएको छ । वस्तुगत आधारमा जिंक शिट, पार्टिकल बोर्ड, जुस, अलैँची, पोलिस्टर धागो लगायत वस्तुको निर्यात बढेको छ । भने पाम तेल, सोयाबिन तेल, जुटका सामान, उनको गलैचा, रोजिन  लगायत वस्तुको निर्यात घटेको छ ।

बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।