काठमाडौं । गत वैशाख १७ गते कजारिया रमेश टायल लिमिटेड उद्योग विभागमा कम्पनी दर्ता भएको छ । वार्षिक ८० लाख वर्गमिटर फ्लोर र वाल टायल उत्पादन गर्ने लक्ष्यसहित विभागमा दर्ता भएको हो ।
प्रसिद्ध व्यापारिक घराना रमेश कर्प र कजारिया सेरामिक्सको संयुक्त लगानीमा उद्योग सञ्चालन हुनेछ । जसका लागि दुवै पक्ष बीच सम्झौता भइसकेको छ ।
नवलपरासी जिल्लाको बर्दघाटमा स्थापना उद्योग विभागमा दर्ता भएअनुसार स्थापनाका लागि ४ अर्ब लगानी गर्ने प्रतिबद्धता जनाइएको छ ।
कम्पनीकाअनुसार उद्योगबाट ५१५ जनाले रोजगारी पाउनेछन् ।
नेपालमा हालसम्मकै सबैभन्दा ठूलो टायल उद्योग सञ्चालनमा आएसँगै टायल क्षेत्रमा आत्मनिर्भर हुने अपेक्षा लिइएको छ ।
प्रतिक्रिया दिनुहोस्
