बढ्न थाल्यो घरजग्गा कारोबार, माघमा ३ अर्ब ३८ करोड राजश्व संकलन

काठमाडौं । माघ महिनामा चालु आर्थिक वर्षकै सर्वाधिक घरजग्गा किनबेच भएको छ । भूमि व्यवस्था तथा अभिलेख विभागको तथ्यांकअनुसार माघमा देशभर ५० हजार ९ सय २१ संख्यामा घर जग्गा लिखत पारित भएको छ । 

पुसको तुलनामा माघमा घरजग्गा कारोबार करिब  १२ प्रतिशतले बढेको हो । पुसमा भने ४५ हजार २ सय ७५ संख्यामा  लिखत पारित भएको थियो ।

कहाँ कति भयो किनबेच ?

काठमाडौं जिल्लामा कलंकी, चाबहिल, डिल्लीबजार, मनमैजु, टोखा र साँखु गरी ६ वटा मालपोत कार्यालय छन् । जसमध्ये सबैभन्दा बढी कारोबार कलंकी मालपोत कार्यालयबाट भएको छ । कलंकीबाट ६ सय ६७ संख्यामा घरजग्गा लिखत पारित भएको छ ।

भक्तपुरबाट ९ सय ९५ को संख्यामा वटा घरजग्गा लिखत पारित भएको छ । त्यस्तै ललितपुरमा २ वटा मालपोत कार्यलय छन्ः भूमिसुधार तथा मालपोत कार्यालय लगनखेल र मालपोत कार्यालय गोटीखेल । 

जसमध्ये लगनखेल मालपोत कार्यालयबाट ९ सय २७ संख्यामा घरजग्गा लिखत पारित भएको छ भने गोटीखेलबाट ३१ को संख्यामा घरजग्गा लिखत पारित भएको छ । 

त्यस्तै उपत्यका बाहिर १ सय २५ वटा मालपोत कार्यालयहरू छन् । जसमध्ये सबैभन्दा बढी कारोबार भूभूमिसुधार तथा मालपोत कार्यालय जनकपुरधाम, धनुषाबाट भएको छ । धनुषाबाट माघमा २ हजार ९२ संख्यामा घरजग्गा लिखत पारित भएको छ । 

राजश्व संकलनः

कारोबार बढेसँगै घरजग्गा कारोबारबाट संकलन हुने राजश्वमा पनि वृद्धि भएको छ । माघमा घरजग्गा कारोबारबाट ३ अर्ब ३७ करोड ५७ लाख ४६ हजार २ सय ३१ रूपैयाँ राजश्व संकलन भएको छ । जुन पुषको तुलनामा करिब १७ करोड ५ लाख ३२ हजार ७०१ ले बढि हो । 

पुषमा घरजग्गा कारोबारबाट ३ अर्ब २० करोड ५२ लाख १३ हजार ५ सय ३० रूपैयाँ राजश्व संकलन भएको थियो । 

सरकारलाई घरजग्गा कारोबारबाट सेवा कर, रजिस्ट्रेसन दस्तुर, पुँजीगत लाभकर लगायत विभिन्न शीर्षकमा राजस्व प्राप्त हुन्छ । त्यसमध्ये सबभन्दा बढी रजिस्ट्रेसन (दर्ता) दस्तुर, सेवा कर र पुँजीगत लाभकरबाट प्राप्त हुन्छ । 

माघमा सरकारले सेवाकर बापत देशभरबाट कुल २२ करोड ५१ लाख १९ हजार ३ सय ४१ रूपैयाँ राजस्व संकलन गरेको छ । त्यसैगरी, रजिष्ट्रेशन दस्तुरबापत जम्मा २ अर्ब २५ करोड ४ लाख २७ हजार ८१ रूपैयाँ संकलन गरेको छ । 

देशभरका मालपोत कार्यालयबाट भएको कारोबार अवस्थाः

स्रोतः भूमिसुधार तथा मालपोत कार्यालय

काठमाडौंका मालपोत कार्यालयबाट भएको कारोबार अवस्थाः

स्रोतः भूमिसुधार तथा मालपोत कार्यालय

बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।