चैतमा झण्डै ५० हजार घरजग्गा कारोबार हुँदा ४ अर्ब ३१ करोड रुपैयाँ राजस्व सङ्कलन
काठमाडौं । वर्षको अन्त्य अर्थात गत चैतमा घरजग्गा कारोबारमा गिरावट आएको छ । भूमि व्यवस्थापन तथा अभिलेख विभागको तथ्यांकअनुसार फागुनको तुलनामा चैतमा घरजग्गाको कारोबार घटेको हो ।
चैतमा देशभरका मालपोत कार्यालयबाट ५० हजार २ सय ५२ वटा घरजग्गा किनबेच भएका छन् । जबकि फागुनमा ५० हजार ९ सय ९८ को संख्यामा घरजग्गा किनबेच भएका थिए । जुन चैतको तुलनामा ७ सय ४६ ले बढि हो ।
कहाँ, कति भयो किनबेच ?
काठमाडौं जिल्लामा कलंकी, चाबहिल, डिल्लीबजार, मनमैजु, टोखा र साँखु गरी ६ वटा मालपोत कार्यालय छन् । जसमध्ये सबैभन्दा बढी कारोबार कलंकी मालपोत कार्यालयबाट भएको छ ।
कलंकीबाट ७ सय ३१ संख्यामा घरजग्गा लिखत पारित भएको छ भने सबैभन्दा कम टोखा मालपोत कार्यलयबाट १ सय ५४ संख्यामा घरजग्गा लिखत पारित भएको छ ।
त्यसैगरी, भक्तपुरबाट ९ सय ६९ को संख्यामा वटा घरजग्गा लिखत पारित भएको छ । मालपोत कार्यालय लगनखेलबाट १ हजार २ र मालपोत कार्यालय गोटीखेलबाट २३ वटा घरजग्गा लिखत पारित भएको छ ।
उपत्यका बाहिर १ सय २५ वटा मालपोत कार्यालयहरू छन् । जसमध्ये सबैभन्दा बढी कारोबार भूमिसुधार तथा मालपोत कार्यालय इनरुवा, सुनसरीबाट भएको छ । सुनसरीबाट चैतमा २ हजार ८२ को संख्यामा घरजग्गा लिखत पारित भएको छ । भने सबैभन्दा कम मालपोत कार्यालय मुस्ताङबाट ५ वटा घरजग्गा लिखत पारित भएको छ ।
राजस्व संकलनको अवस्थाः
चैतमा घरजग्गा कारोबार स्थिर रहे पनि राजस्व भने थोरै वृद्धि भएको देखिएको छ । चैतमा सरकारले घरजग्गा कारोबारबाट ३ अर्ब ९४ करोड ८१ लाख ३६ हजार ८ सय १६ रुपैयाँ राजस्व संकलन गरेको छ । जुन फागुनको तुलनामा ३५ करोड ५४ लाख ४५ हजार ७ सय ३५ रुपैयाँले बढि हो ।
सरकारलाई घरजग्गा कारोबारबाट सेवा कर, रजिस्ट्रेसन दस्तुर, पुँजीगत लाभकर लगायत विभिन्न शीर्षकमा राजस्व प्राप्त हुन्छ । त्यसमध्ये सबभन्दा बढी रजिस्ट्रेसन (दर्ता) दस्तुर, सेवा कर र पुँजीगत लाभकरबाट प्राप्त हुन्छ ।
चैतमा सरकारले सेवाकर बापत देशभरबाट कुल ३१ करोड ५२ लाख ५० हजार ९ सय ८२ रुपैयाँ राजस्व संकलन गरेको छ । त्यसैगरी, रजिष्ट्रेशन दस्तुरबापत जम्मा २ अर्ब ४९ करोड १७ लाख ९४ हजार ४ सय ९ रुपैयाँ संकलन गरेको छ । र पुँजीगत लाभकरबाट १ अर्ब ४६ करोड ९१ लाख ७ हजार १ सय ४२ रुपैयाँ संकलन गरेको छ ।
चैतमा उपत्यकाका मालपोत कार्यलयहरूले नै सबैभन्दा बढि राजस्व संकलन गरेका छन् ।
उपत्यकाभित्रका मालपोत कार्यालयबाट भएको घरजग्गा कारोबार तथा राजस्व संकलनको अवस्थाः
| क्र. सं | मालपोत कार्यालय | लिखत पारित | सेवाकर | रजिष्ट्रेशन दस्तुर | पुँजीगत लाभकर |
| १. | मालपोत कार्यालय कलंकी, काठमाडौं | ७३१ | १ करोड ८५ लाख ९७ हजार ७३ रुपैयाँ | १५ करोड ६२ लाख ५८ हजार ३ सय ३५ रुपैयाँ | १० करोड ३७ लाख ७ हजार ४ सय २९ रुपैयाँ |
| २. | मालपोत कार्यालय चाबहिल, काठमाडौं | ४९१ | १ करोड ३८ लाख ८ हजार ८ सय ७६ रुपैयाँ | १६ करोड १ लाख ४२ हजार ६ सय २४ रुपैयाँ | ८ करोड ६० लाख ३८ हजार ७ सय ६२ रुपैयाँ |
| ३. | मालपोत कार्यालय साँखु, काठमाडौं | ४४५ | २५ लाख ८५ हजार ६ सय ३ रुपैयाँ | ५ करोड २२ लाख ५२ हजार ९ सय ६३ रुपैयाँ | २ करोड ९६ लाख २८ हजार ९ सय ४ रुपैयाँ |
| ४. | मालपोत कार्यालय मनमैजु, काठमाडौं | ३४९ | ३४ लाख ३७ हजार ४ सय ८० रुपैयाँ | ४ करोड ६५ लाख ४२ हजार ६ सय ६१ रुपैयाँ | २ करोड ८७ लाख ८३ हजार ३ सय ८३ रुपैयाँ |
| ५. | भूमिसुधार तथा मालपोत कार्यालय डिल्लीबजार, काठमाडौं | २०५ | ३ करोड २ लाख ७२ हजार ७ सय १० रुपैयाँ | १६ करोड २ लाख ६० हजार ९८ रुपैयाँ | ७ करोड ८९ लाख ६२ हजार २ सय ८५ रुपैयाँ |
| ६. | मालपोत कार्यालय टोखा, काठमाडौं | १५४ | २६ लाख ६४ हजार ७ सय ६० रुपैयाँ | ५ करोड ३२ लाख १ हजार ८ सय ८५ रुपैयाँ | ३ करोड ५४ लाख ९० हजार ४ सय १० रुपैयाँ |
स्रोतः भूमि व्यवस्थापन तथा अभिलेख विभाग
उपत्यका बाहिरको कारोबारको अवस्थाः
| क्र. सं | मालपोत कार्यालय | लिखत पारित | सेवाकर | रजिष्ट्रेशन दस्तुर | पुँजीगत लाभकर |
| १. | भूमिसुधार तथा मालपोत कार्यालय इनरुवा, सुनसरी | २०८२ | ७४ लाख १० हजार ४ सय ८८ रुपैयाँ | ७ करोड ९१ लाख ५३ हजार ५ सय ९३ रुपैयाँ | ५ करोड ३५ लाख ८० हजार २२ रुपैयाँ |
| २. | भूमिसुधार तथा मालपोत कार्यालय भद्रपुर, झापा | १८३५ | ७६ लाख ५८ हजार ३ सय ४९ रुपैयाँ | ५ करोड ५४ लाख २४ हजार २ सय ३४ रुपैयाँ | ४ करोड ६२ लाख २३ हजार २ सय ६९ रुपैयाँ |
| ३. | भूमिसुधार तथा मालपोत कार्यालय जनकपुरधाम, धनुषा | १८२३ | ४१ लाख ७० हजार ८ सय ५२ रुपैयाँ | ३ करोड ४८ लाख १२ हजार ७ सय २५ रुपैयाँ | १ करोड ५० लाख ७८ हजार ८ सय ८३ रुपैयाँ |
| ४. | मालपोत कार्यालय बेलबारी, मोरङ | १७९९ | ४३ लाख ७६ हजार ८ सय ५४ रुपैयाँ | ४ करोड ४१ लाख ३६ हजार ३ सय १० रुपैयाँ | १ करोड ९१ लाख ६८ हजार ९ सय ५९ रुपैयाँ |
| ५. | भूमिसुधार तथा मालपोत कार्यालय मलंगवा, सर्लाही | ११८२ | १३ लाख ३६ हजार रुपैयाँ | १ करोड ५७ हजार ७८ हजार २१ रुपैयाँ | ४७ लाख ९४ हजार ७ सय १६ रुपैयाँ |
स्रोतः भूमि व्यवस्थापन तथा अभिलेख विभाग
देशभरबाट सबैभन्दा धेरै राजस्व संकलन भएका मालपोतहरूः
| क्र. सं | मालपोत कार्यालय | राजस्व संकलन |
| १. | भूमिसुधार तथा मालपोत कार्यालय लगनखेल, ललितपुर | ३९ करोड ६२ लाख १७ हजार ४ सय ९० रुपैयाँ |
| २. | भूमिसुधार तथा मालपोत कार्यालय भक्तपुर | २७ करोड ६७ लाख ६६ हजार ७ सय ५९ रुपैयाँ |
| ३. | मालपोत कार्यालय कलंकी, काठमाडौं | २५ करोड ७६ लाख ७३ हजार ८ सय १५ रुपैयाँ |
| ४. | भूमिसुधार तथा मालपोत कार्यालय डिल्लीबजार, काठमाडौं | २४ करोड ५९ लाख ४६ हजार ९ सय ३७ रुपैयाँ |
| ५. | मालपोत कार्यालय चाबहिल, काठमाडौं | २३ करोड २१ लाख ८१ हजार २ सय ५५ रुपैयाँ |
स्रोतः भूमि व्यवस्थापन तथा अभिलेख विभाग
बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।
Latest Posts
Fresh reads from Basobaas
