आठौं अन्तरराष्ट्रिय नेपाल बिल्डकन एक्स्पो सम्पन्न
काठमाडौं । काठमाडौंको भृकुटीमण्डपमा आठौं ‘नेपाल बिल्डकन अन्तर्राष्ट्रिय एक्स्पो’ आइतबार सम्पन्न भएको छ । बिहिबारदेखि चार दिनसम्म चलेको एक्स्पोमा हाल प्रयोग भइरहेका नविनतम सामाग्रीहरूको प्रदर्शनी गरिएको थियो ।
३० हजारले अवलोकन गरेको आयोजक मिडिया स्पेस सोलुसनका प्रबन्ध निर्देशक सृजल भट्टराइले बताए । मिडिया स्पेस सोलुसन्स प्रालि र फ्युचरेक्स ट्रेड फेयर एण्ड ईभेन्टस् प्रालिले संयुक्त रूपमा आयोजना गरिएको एक्पोमा देश तथा विदेशका १५० भन्दा बढि निर्माण उपकरण तथा औजारहरू उत्पादन गर्ने कम्पनीहरूको सहभागिता रहेको थियो ।
एक्स्पोमा निर्माण सामग्री, मेसिनरी, आवास कम्पनीहरू, अपार्टमेन्ट, प्रिफ्याब संरचना, युपीभीसी झ्याल ढोका उत्पादन गर्ने मेसिनरी, युपीभीसी प्रोफाइल, आर्किटेक्चरल हार्डवेयर, बाथरूम फिटिङ्स, पाइपहरू, टायल र सेनेटरी वेयर, पावर औजार, कंक्रिट ब्लक मेसिनरी उत्पादक तथा वितरकहरू सहभागी थिए ।
प्रदर्शनीमा घर बनाउन चाहने व्यक्ति, आम नागरिकबाहेक निर्माण क्षेत्रमा काम गरिरहेका नेपालका दिग्गज आर्किटेक्ट, इन्जिनियर्स, कन्ट्रयाक्टर्स, बिल्डर्स तथा इन्टिरियर डिजाइनरहरू सहभागी भएको भट्टराइले बताए ।
अपेक्षा भन्दा धेरैले एक्स्पोको अवलोकन गरेको र एक्स्पोले लक्ष्यभन्दा उत्कृष्ट सफलता प्राप्त गरेको आयोजक समितिले जनाएको छ ।
Latest Posts
Fresh reads from Basobaas
