२ अर्ब भन्दा बढि रोयल्टी नतिर्ने क्यासिनोका जग्गा र खाता रोक्का
काठमाडौं । सरकारलाई दुई अर्बभन्दा बढि रोयल्टी बक्यौताबापतको रकम क्यासिनोहरूले बुझाउनुपर्ने पाइएको छ । दश वर्षयता क्यासिनोहरूले नबुझाएको रोयल्टी रकम ब्याजसहित २ अर्ब १६ करोड ६६ लाख ७५ हजार ६५१ रुपैयाँ पुगेको हो ।
पटकपटक तोकता गर्दा पनि बक्यौता रकम बुझाउन नआएपछि रोयल्टी बक्यौता उठाउने जिम्मेवारी पाएको कुमारीचोक तथा केन्द्रीय तहसिल कार्यालयले क्यासिनोसँग आवद्ध संस्था तथा व्यक्तिको जग्गा र बैंक खाता रोक्का गरेको छ ।
रोयल्टी नबुझाउने क्यासिनोहरू
| क्र. सं | क्यासिनोहरू | बुझाउनु पर्ने रकम (रुपैयाँमा) | व्याज (रुपैयाँमा) | जम्मा (रुपैयाँमा) |
| १. | दि फुलबारी प्रा.लि | २४ करोड ६६ लाख ६४ हजार ४८२ रुपैयाँ | १८ करोड ४२ लाख ८८ हजार ७७८ रुपैयाँ ब्याज | ४३ करोड ९ लाख ५३ हजार २६० रुपैयाँ ७४ पैसा |
| २. | ह्यापी आवर प्रा.लि. | ६ करोड ९३ लाख २७ हजार ५०० रुपैयाँ साँवा | ३ करोड १७ लाख ९६ हजार १८९ रुपैयाँ ७३ पैसा | १० करोड ११ लाख २३ हजार ६८९ रुपैयाँ ७३ पैसा |
| ३. | नेपाल रिक्रिएसन सेन्टर प्रा.लि | ५३ करोड ५० लाख ३३ हजार ९२७ रुपैयाँ ६३ पैसा | ३९ करोड ९७ लाख ३६ हजार ३०७ रुपैयाँ ३ पैसा | ९३ करोड ४७ लाख ७० हजार २३४ रुपैयाँ ६६ पैयाँ |
| ४. | होटल याक एण्ड यती प्रा.लि | ११ करोड ८७ लाख ५० हजार रुपैयाँ | ८ करोड ८७ लाख २० हजार ८९० रुपैयाँ ४१ पैसा | २० करोड ७४ लाख ७० लाख ८९० रुपैयाँ ४१ पैसा |
| ५. | होटल एभरेष्ट इन्टरनेसनल प्रा.लि. | १० करोड ३५ लाख ६२ हजार ५०० रुपैयाँ | ७ करोड ७३ लाख ७३ हजार ९५५ रुपैयाँ ४८ पैसा | १८ करोड ९ लाख ३६ हजार ४५५ रुपैयाँ ४८ पैसा |
| ६. | अन्नपूर्ण इन्टरनेसनल प्रा.लि. | ११ करोड ६९ लाख १५ हजार १७५ रुपैयाँ ६४ पैसा | ८ करोड ७३ लाख ५० हजार ५० रुपैयाँ ४० पैसा | २० करोड ४२ लाख ६५ हजार २२६ रुपैयाँ ४ पैसा |
| ७. | होटल सोल्टी, | ६ करोड १३ लाख ३३ हजार ३३२ रुपैयाँ ७८ पैसा | ४ करोड ५८ लाख २३ हजार ५६१ रुपैयाँ २३ पैसा | १० करोड ७१ लाख ५६ हजार ८९४ रुपैयाँ १ पैसा |
सरकारले नयाँ क्यासिनो नियमावली २०७० सालबाट कार्यान्वयनमा ल्याएको थियो । नियमावलीअनुसार सरकारले रोयल्टी तिर्न नआउने क्यासिनोलाई बन्द गर्ने निर्णय गरेको थियो । २०७१ वैशाखमा रोयल्टी नबुझाउने ८ वटा क्यासिनोलाई सरकारले बन्द गरेको थियो ।
त्यसपछि क्यासिनो सञ्चालकहरू सर्वोच्च अदालत पुगेका थिए । सर्वोच्च अदालतले क्यासिनो बन्द गराउन गरेको निर्णय कार्यान्वयन नगर्न/नगराउन भन्दै अन्तरिम आदेश दिएपछि यसैलाई आधार मानेर क्यासिनोहरू सञ्चालन हुँदै आएका छन् ।
क्यासिनोहरूको नियामक निकाय पर्यटन विभागले उक्त रकम उठाउन नसकेपछि संस्कृति, पर्यटन तथा नागरिक उड्डयन मन्त्रालयसँग गुहार मागेको थियो ।
मन्त्रालयले सचिवस्तरीय निर्णय गर्दै क्यासिनोहरूसँग बक्यौता उठाउन कुमारीचोक तथा केन्द्रीय तहसिल कार्यालयलाई जिम्मेवारी दिएको थियो । त्यसपछि कार्यालयले उक्त बक्यौता उठाउने प्रयास गरिरहेको छ ।
बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।
Latest Posts
Fresh reads from Basobaas
