घरजग्गा कारोबारबाट भदौमा उठ्यो पौने ४ अर्ब राजस्व
काठमाडौं । घरजग्गाको कारोबारबाट भदौमा पौने ४ अर्ब रुपैयाँ राजस्व संकलन भएको छ । भूमि व्यवस्थापन तथा अभिलेख विभागका अनुसार गत महिनामा घरजग्गाको कारोबारबाट ३ अर्ब ८३ करोड ५० लाख ८२ हजार रुपैयाँ राजस्व संकलन भएको छ ।
विभागका अनुसार यो एक महिनामा १ लाख १५ हजार ६४२ वटा घरजग्गाको कारोबार भएको छ । जसमध्ये ३२ हजार ७९८ वटा घरजग्गाको लिखत पारित भएको छ ।
३ हजार ८ सय ८८ वटा घरजग्गाको नामसारी भएको छ भने ३६ हजार ८१९ वटा घरजग्गा रोक्का र २५ हजार २६१ वटा घरजग्गा फुकुवा गरिएको जनाइएको छ ।
भदौमा २७ हजार ८ सय ४३ कित्ता जग्गाको कित्ताकाट गरेर ६१ हजार ३३२ कित्तामा विभाजन गरिएको छ ।
धेरै राजस्व संकलन गर्ने मालपोत कार्यालय
विभागका अनुसार भूमि सुधार तथा मालपोत कार्यालय, लगनखेलबाट सबैभन्दा धेरै राजस्व संकलन भएको छ । उक्त मालपोतबाट ३४ करोड २७ लाख ४१ हजार रुपैयाँ राजस्व संकलन भएको छ ।
उपत्यका भित्रका मालपोत कार्यालयहरूः
| मालपोत कार्यालय | राजश्व संकलन |
| भूमि सुधार तथा मालपोत कार्यालय, लगनखेल | ३४ करोड २७ लाख ४१ हजार रुपैयाँ |
| मालपोत कार्यलय डिल्लीबजार | २९ करोड ३९ लाख ६७ हजार रुपैयाँ |
| मालपोत कार्यलय भक्तपुर | २३ करोड ३७ लाख २२ हजार रुपैयाँ |
| मालपोत कार्यालय, चावहिल | २२ करोड ४२ लाख ७७ हजार रुपैयाँ |
| मालपोत कार्यालय, कलंकी | २२ करोड २७ लाख ८ हजार रुपैयाँ |
उपत्यका बाहिरका मालपोत कार्यालयहरूः
| मालपोत कार्यालय | राजश्व संकलन |
| मालपोत कार्यालय, सिमरा | १७ करोड ३२ लाख ५६ हजार रुपैयाँ |
| मालपोत कार्यालय, कास्की | १४ करोड ६९ लाख ८५ हजार रुपैयाँ |
| मालपोत कार्यालय, चितवन | ११ करोड ७२ लाख ६३ हजार रुपैयाँ |
| मालपोत कार्यालय, इनरुवा | ९ करोड २१ लाख ८८ हजार रुपैयाँ |
बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।
Latest Posts
Fresh reads from Basobaas
