काठमाडौं । संसारमा आलिशान संरचनाहरू निर्माणको होड पुरानै हो । व्यवसायिक प्रयोजन अथवा प्रीयजनको सम्झनास्वरुप बनाइएका विश्वविख्यात संरचनाको बारेमा त हामीले पढ्दै सुन्दै आएका छौँ । तर के तपाईंलाई थाहा छ ! बसोबासकै लागि भनेर निर्माण गरिएका शानदार घरहरू छन्, जसले धनाढ्य बादशाहहरूको महललाई पनि मात दिन्छन् ।

कुरा गरौँ बनावट र सेवा सुविधाका कारण चर्चा बटुलेका शानदार ५ निवासको बारेमाः

इस्ताना नुरुल इमान प्यालेस ब्रुनेई (Istana Nurul iman palace brunei)

ब्रुनेइको राजधानी बन्दर सेरी बेगवान (Bandar Seri Begawan) नजिकै विश्वको सबैभन्दा ठूलो आवासीय प्यालेस रहेको छ । २१ लाख वर्गफिटमा फैलिएको यो घरमा १७ सय ८८ वटा कोठाहरू, २ सय ५७ बाथरुम, ५ हजार जनाका लागि Banquet Hall, ५ वटा स्विमिङ पुल, १ सय १० गाडी अट्ने ग्यारेज रहेको छ ।  

द वन एलए

संयुक्त राज्य अमेरिकास्थित क्यालिफोर्नियामा रहेको द वन एलए (…) १ लाख ५ हजार वर्गफिटमा फैलिएको छ । जसमा ७४,हजार वर्गफिट मुख्य निवास र तीन साना गेस्ट हाउसहरू छन् । जसमा २१ वटा बेडरुम, ३० वटा कार अट्ने ग्यारेज, स्विमिङ पुल, स्पा, स्टाफ क्वार्टरहरू समेत छन् । 

एन्टिल्ला 

भारतको मुम्बाईमा रहेको यो घर भारतका धनाढ्य व्यक्ति मुकेश अम्बानीको हो । एन्टिल्ला २७ तल्ला अग्लो छ । यो घर ४ लाख बर्गफिल क्षेत्रफलमा बनेको छ । यस भवनभित्र ६ वटा तल्ला गाडि राख्नका लागि छुट्याइएको छ । यस भवनमा गाडिको लागि सर्भिस स्टेसन, मन्दिर, ५० सीटको सिनेमा घर, ९ वटा लिफ्ट, हेल्थ स्पा, लगायत स्पेसहरू रहेको छ । 

भिल्ला लियोपोल्डा

फ्रान्समा रहेको भिल्ला लियोपोल्डा ५० एकड क्षेत्रफलमा फैलिएको छ । यस भिल्लामा ११ वटा बेडरुम, १४ वटा बाथरुम, व्यवसायिक ग्रीनहाउस, आउटडोर किचन र आकर्षक स्विमिङ पुल लगायत अन्य स्पेस रहेका छन् । सन् १९५५ मा बनेको अल्फ्रेड हिचककको चलचित्र ‘टु क्याच अ थिप’को सुटिङको लागि प्रयोग गरिएकोले पनि यो प्रोपर्टी प्रसिद्ध छ ।

द मनोर

संयुक्त राज्य अमेरसकाको क्यालिफोर्नियामा अवस्थित द मनोर ५६ हजार ५ सय वर्गफिटमा फैलिएको छ । जसमा १२३ वटा (२७ बाथरूम र १४ शयनकक्षहरू सहित) कोठाहरू छन् । 

बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।