फागुनका लागि अधिकांश बैंकहरूले घटाए ब्याजदर (सूचीसहित)

काठमाडौं । वाणिज्य बैंकहरूले फागुन महिनाका लागि नयाँ ब्याजदर सार्वजनिक गरेका छन् । तरलता सहज हुँदै गएपछि बैंकहरूले पछिल्लो अद्यावधिक मुद्दती निक्षेपको ब्याजदर घटाएको पाइएको छ । 

बैंकहरूले घटाएको ब्याजदर फागुन १ गते अर्थात् आजदेखि लागू हुनेछ । नयाँ ब्याजदर तालिकाअनुसार माघको तुलनामा व्यक्तिगत मुद्दतीको औसत ब्याजदर ०.४१ प्रतिशतले घटेको छ ।

चार वाणिज्य बैङ्कहरू एभरेष्ट, लक्ष्मी सनराइज, माछापुच्छ्रे र हिमालयन बैंकले माघ महिनाकै ब्याजदरलाई निरन्तरता दिएका छन् । हिमालयन बैंकले व्यक्तिगततर्फ ८.१५ प्रतिशत र संस्थागततर्फ ६.१५ प्रतिशत ब्याजदर निर्धारण गरेको छ । 

यस्तै, एभरेष्ट बैंक र माछापुच्छ्रे बैंकले व्यक्तिगततर्फ ८ प्रतिशत र संस्थागततर्फ ६ प्रतिशत ब्याजदर निर्धारण गरेका हुन् । यी बैंकले माघमा पनि सोही ब्याजदर लागू गरेका थिए ।

बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।