कार्तिकमा घट्यो घरजग्गा कारोबार, राजश्व संकलन अहिलेसम्मकै कम

काठमाडौं । कार्तिक महिनाको घरजग्गा कारोबारमा गिरावट आएको छ । सरकारले भूउपयोग नियमावली-२०७९ संशोधन गरी जग्गा कित्ताकाटमा समेत सहजीकरण गरे पनि कारोबार उत्साह नदेखिएको हो ।

कार्तिकमा ३३ हजार ५१४ मात्रै पारित भएको छ । गत वर्षको कार्तिकमा २६ हजार ४६ घरजग्गाको लिखत पारित भएको थियो । कार्तिकमा कारोबार घटेसँगै राजस्व समेत गिरावट आएको छ । 

कार्तिकमा २ अर्ब ७० करोड ४० लाख ४६ हजार ६ सय ४५ मात्रै संकलन भएको छ । असोजमा संकलित राजस्व ३ अर्ब ८ करोड १२ लाख थियो ।

कहाँ, कति भयो किनबेच ?

उपत्यका भित्रको घरजग्गा कारोबारः

उपत्यकामा लगनखेल, भक्तपुर, गोटिखेल, कलंकी, चाबहिल, डिल्लीबजार, मनमैजु, टोखा र साँखु गरी ९ वटा मालपोत कार्यालय छन् । जसमध्ये सबैभन्दा बढी कारोबार भक्तपुर मालपोत कार्यालयबाट भएको छ । 

भक्तपुरबाट ६ सय ७७ संख्यामा लिखत पारित भएको छ भने सबैभन्दा कम गोटिखेल मालपोत कार्यलयबाट ९ संख्यामा घरजग्गा लिखत पारित भएको छ ।

त्यसैगरी, लगनखेलबाट ५ सय ३६, कलंकीबाट ४ सय १४ को संख्यामा वटा घरजग्गा लिखत पारित भएको छ ।

उपत्यका बाहिरको घरजग्गा कारोबारः

उपत्यका बाहिर १ सय २५ वटाचा मालपोत कार्यालयहरू छन् । जसमध्ये सबैभन्दा धेरै कारोबार भूमिसुधार तथा मालपोत कार्यालय इनरुवा, सुनसरीबाट भएको छ । 

सुनसरीबाट १२ सय ४६ संख्यामा लिखत पारित भएको छ भने मालपोत कार्यालय, सिर्दीवासबाट कुनै पनि लिखत पारित हुन सकेन ।  

राजस्व संकलनको अवस्थाः

राजस्व संकलनमा भने काठमाडौं उपत्यकाका मालपोत कार्यालय अग्रस्थानमा छन् । कार्तिकमा लगनखेल मालपोतबाट सबैभन्दा धेरै २४ करोड ५७ लाख ५४ हजार रुपैयाँ राजश्व उठेको विभागको तथ्यांक छ ।

यस्तै, चावहिल मालपोतबाट २१ करोड ४२ लाख ४६ हजार, भक्तपुर मालपोतबाट १७ करोड ६९ लाख २३ हजार, कलंकी मालपोतबाट १७ करोड ८ लाख ४४ हजार र डिल्लिबजार मालपोत बाट १५ करोड ७७ लाख २० हजार रुपैयाँ राजस्व संकलन भएको छ ।

उपत्यकाबाहिरका मालपोत कार्यालयबाट भएको घरजग्गा कारोबार तथा राजस्व संकलनको अवस्थाः

उपत्यकाभित्रका मालपोत कार्यालयबाट भएको घरजग्गा कारोबार तथा राजस्व संकलनको अवस्थाः

बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।