९ महिनामा ४२ करोडको सिमेन्ट तथा क्लिङ्कर निर्यात
काठमाडौं । चालु आर्थिक वर्षको ९ महिनामा नेपालबाट ४२ करोड रुपैयाँ बराबरको सिमेन्ट तथा क्लिङ्कर निर्यात भएको छ । नेपालले साउनदेखि चैत मसान्तसम्म २३ करोड रुपैयाँ बराबरको क्लिङ्कर र १८ करोड रुपैयाँ बराबरको सिमेन्ट निर्यात गरेको हो ।
चैतमा मात्र १२ करोड बराबरको सिमेन्ट तथा क्लिङ्कर निर्यात भएको भन्सार विभागको तथ्यांकले देखाएको छ ।
चालु आर्थिक वर्षको चैतसम्म सिमेन्ट तथा क्लिंकर निर्यातको अवस्थाः
| क्र.सं | चालु आ.व. को महिना (सम्म) | कारोबार (रूपैयाँमा ) | परिमाण (टनमा) |
| १. | साउन | ४९ लाख २९ हजार | ३३,१५७ |
| २. | भदौ | ८९ लाख ६० हजार | ४२,२१२ |
| ३. | असोज | २ करोड १५ लाख ७९ हजार | ६०,८४८ |
| ४. | कात्तिक | ३ करोड ५१ लाख २४ हजार | ६६,१२४ |
| ५. | मंसिर | ४ करोड २० लाख ७ हजार | १,०८,७८६ |
| ६. | माघ | १६ करोड ७० लाख ३३ हजार | ३,०४,६५२ |
| ७. | फागुन | ३० करोड ५५ लाख ४४ हजार | ४,४२,९,९९ |
| ८. | चैत | ४२ करोड ३१ लाख ८९ हजार | ४,६४,३२९ |
स्रोतः भन्सार विभाग
सरकारले चालु आर्थिक वर्षको बजेटमार्फत सिमेन्ट, स्टिललगायत सामान निर्यातमा आठ प्रतिशत अनुदान र वार्षिक दश करोड बढिको विद्युत् खपत गर्ने उद्योगलाई दुईदेखि १५ प्रतिशतसम्म महसुलमा छुट दिने घोषणासँगै निर्यातको संख्यामा वृद्धि भएको छ ।
सो व्यवस्था गरेसँगै दुई नेपाली सिमेन्ट उद्योग पाल्पा र अर्घाखाँची सिमेन्टले ‘तानसेन’ ब्रान्ड र अर्घाखाँची ब्रान्डको सिमेन्ट भारत निर्यात सुरु गरेको थियो ।
हाल अर्घाखाँची सिमेन्ट भारतको उत्तर प्रदेशमा निर्यात भइरहेको छ । निर्यात र विद्युत् महसुलमा छुट पाउने भएपछि उद्योगी उत्साहित छन् ।
सिमेन्ट उत्पादक संघको तथ्यांकअनुसार नेपालमा ५० भन्दा धेरै सिमेन्ट उद्योग सञ्चालनमा छन् । तीमध्ये करिब १५ वटाले सिमेन्ट र क्लिङ्कर दुवै उत्पादन गर्दै आएका छन् । यी सिमेन्ट उद्योगको वार्षिक उत्पादन क्षमता झण्डै दुई करोड २० लाख टन छ ।
Latest Posts
Fresh reads from Basobaas
