काठमाडौं । बारामा अवैध बालुवा उत्खनन गरी ओसारपसारमा परिचालन गरिएका चारवटा ट्रयाक्टर प्रहरीले नियन्त्रणमा लिएको छ । जितपुर सिमरा उपमहानगरपालिका-१४ स्थित दुधौरा खोलामा अवैध रूपमा बालुवा उत्खनन गरिरहेको स्थानबाट प्रहरीले ती ट्रयाक्टर नियन्त्रणमा लिएको हो ।
बुधबार साँझ बालुवा लोड गरिरहेको अवस्थामा ना.६.त.४७६६, ना.७.त.१७२३, ना ७ त ३९१८ र ना ४ त ५७५९ नम्बरको ट्रयाक्टर नियन्त्रणमा लिइएको बारा प्रहरीले जनाएको छ ।
नियन्त्रणमा लिइएका ट्रयाक्टरलाई आवश्यक कारवाहीको लागि इलाका प्रहरी कार्यालय, निजगढमा राखिएको छ ।
बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।
प्रतिक्रिया दिनुहोस्
