काठमाडौं । भृकुटिमण्डपमा जारी तिहार ‘फ्लोरा एक्स्पो’को दोस्रो दिन एक्स्पो सुनसान देखिएको छ । माओवादी संगठनले सरकार विरुद्ध गरेको विरोध कार्यक्रमका कारण सर्वसाधारणको चहलपहल घट्दा एक्स्पो सुनसान देखिएको हो ।
बिदाको दिनमा व्यापार बढ्ने आशामा रहेका व्यवसायीहरू मेलामा अपेक्षित भीड नहुँदा चिन्तित छन् । “आन्दोलनले गर्दा कारोबारमै धक्का लागेको छ,” पशुपति एग्रो ट्रेडर्सका सञ्चालक ओमप्रकाश ढकालले भने, “यसले निरन्तरता पाउने हो भने भने व्यवसायीहरूले भाडासम्म तिर्न नसक्ने अवस्था आउन सक्छ ।”
आइतबार पनि आन्दोलन हुने जानकारीले व्यवसायीहरू थप निराश बनेका छन् । भने आगामी दिनमा कारोबारमा सुधार होला भन्ने कुरामा विश्वस्त हुन नसकेको बताउँछन् ।
तिहारलाई लक्षित गरी शुक्रबारदेखि सुरु गरिएको यो एक्स्पो कात्तिक १३ गतेसम्म सञ्चालन हुनेछ ।
बसोबासमा लिस्टेड प्रपर्टि हेर्नका लागि यहाँ क्लिक गर्नुहोस् ।
