चैतमा १० महिनायताकै उच्च कारोबार, यस्तो रह्यो वर्ष ०७९ को घरजग्गाका लागि

काठमाडौं । साल २०७९ घरजग्गा कारोबारका लागि खासै सुखद रहेन । नयाँ भूउपयोग नियमावलीको असर परेको बजारमा बैंकहरूले ऋण दिन समेत कडाइ गरिदिएपछि कारोबार झनै सुस्ताएको थियो । यद्यपि वर्षको अन्तिम अर्थात् चैत महिनाको कारोबारले भने केहि हदसम्म उत्साह थपेको छ ।

भूमि व्यवस्थापन तथा अभिलेख विभागको तथ्यांक अनुसार चैतमा देशभर ४९ हजार १५० घरजग्गा किनबेच भएका छन् । जुन पछिल्लो १० महिनायताकै धेरै हो । विभागको तथ्याङ्कअनुसार चैतमा सबैभन्दा धेरै घरजग्गा कारोबार धनुषाको जनकपुरधाम मालपोत कार्यालयबाट भएको छ ।

चैत महिनाभर देशका विभिन्न मालपोत कार्यालयमा लिखित पारित भएका घरजग्गाको विवरणः

स्रोतः भूमि व्यवस्थापन तथा अभिलेख विभाग

चैत महिनाको राजश्व संकलनः

कारोबार बढेसँगै राजस्व संकलनमा पनि सुधार देखिएको छ । चैतमा ४ अर्ब ५१ करोड राजस्व संकलन भएको छ । जुन नौ महिनायताकै धेरै हो । 

चैतमा ललितपुरको लगनखेल मालपोत कार्यालयबाट सबैभन्दा बढी राजस्व संकलन भएको छ । चैतमा ललितपुरबाट  ४० करोड राजस्व संकलन भएको छ । 

त्यसैगरी, कलंकी मालपोतबाट २५ करोड ८० लाख, भक्तपुरबाट २५ करोड, चाबहिलबाट २१ करोड, कास्कीको पोखराबाट १८ करोड ५७ लाख, डिल्लीबजारबाट १८ करोड ३९ लाख, चितवनबाट १५ करोड ५० लाख राजस्व संकलन भएको छ ।

२०७९ सालमा घरजग्गा कारोबार र राजस्व संकलनको अवस्थाः

स्रोतः भूमि व्यवस्थापन तथा अभिलेख विभाग